Matsölustaðir

Hannes Boy er sérstæður veitingastaður með notalegri stemmningu við smábátahöfina. Einvala lið matreiðslumanna og þjóna leggja ástríðu í matargerð á þessum fallega veitingastað.

Kaffihús Rauðku býður skemmtilegan matseðil sem höfðar til allra. Salöt, panini, kökur, smurbrauð og fjölbreytt úrval drykkja sem hægt er njóta innan dyra sem utan í nálægð við smábátahöfnina.

Bensínstöð Olís er starfrækt við höfnina á Siglufirði. Á bensínstöðinni er einnig hægt að fá ýmsan skyndibita, nammi og ís úr vél.

Margrómað Aðalbakaríið stendur vel undir nafni en það er staðsett rétt við ráðhústorgið. Siglfirsku ástarpungarnir eiga sér engan líkan og Kobbi bakari lofar ávalt nýbökuðum brauðum og gómsætum sætabrauðum.

Skyndibiti, snóker og pool. Á Billanum er bæði hægt að seðja hungur og sækja skemmtilega afþreyingu.

Við ráðhústorgið stendur Allinn í gamla bíóhúsi Siglufjarðar. Í Allanum er stór veislusalur fyrir ýmsar skemmtanir og böll en þar er einnig veitingastaður með pizzur, hamborgara og fisk og steikur.

Lítil og skemmtileg hafnarkrá við vigtina á Siglufirði sem býður uppá einstakt andrúmsloft, verönd til setu utandyra og góðan matseðil fyrir þá svöngu. Opið meðan flaggið er á stöng.

Veitingahúsið Torgið stendur við ráðhústorg Siglufjarðar. Staðurinn býður fjölbreyttan matseðil sem höfðar til allra. Gómsætar pizzur, hamborgar og fiskur og franskar sem óhætt er að mæla með.