Að fullu steypt
Í gærdag var síðasti veggur Hótel Sigló steyptur og því allur rammi byggingarinnar tilbúinn. Það var Byggingafélagið Berg í samvinnu við Bás sem steypti síðasta vegginn en Tréverk frá Dalvík hefur þó séð um mest alla uppsteypunina fram að þessu.
Vinnusvæði hótelsins mun nú breytast töluvert þar sem steypumót og ýmis verkfæri verða fjarlægð af svæðinu á næstu dögum og þá styttist í að hægt sé að fækka byggingakrönum. Er nú unnið að því að koma þaki á síðasta hluta byggingarinnar en miðja hússins er ekki svo einföld þegar kemur að samsetningu þaksins sem hefur fjölda kvista og ýmis horn sem þarf að fella saman innanhúss sem utan.
Ráðgert er að þak verði komið á allt húsið í lok október og reiknað með að byggingin verði að mestu frágengin að utan í desember.
Horft að veitingasal Hótel Sigló þar sem steypumót fara fljótlega að hverfa.
Steypubíll Bás og Bergarar í bakgrunni
Búið að fylla á fyrir síðustu ferðina.
Siggi bíður átektar fyrir neðan.
Síðasti dropinn fer að smella.
Séð út um svalarhurð einnar svítunnar sem vísar út yfir smábátahöfnina og veitingastaði Rauðku.
Athugasemdir