Framkvæmdir ganga vel
Þakjárnið smellur á, innveggir rýsa, lagnaleiðir lagðar út, klósettkassar komnir upp og syðri gistiálman tekur á sig mynd. Hótelið allt orðið fokhelt í lok september.
Rífandi gangur er nú á framkvæmdasvæði Hótel Sunnu og er fjöldi iðnaðarmanna á svæðinu að aukast. Þakjarn hefur nú að stórum hluta verið sett á nyrðri álmu hótelsins og klæðning að miklu leiti komin á. Er nú unnið í uppsteypun á móttökkurými hótelsins þar sem veitingastaður, bar, kaffihús, koníaksstofa og svítur eru staðsettar.
Að sögn starfsmanna á svæðinu vekur framkvæmdin mikla eftirtekt hjá ferðalöngum á Siglufirði sem margir hverjir staldra við til að bera augum upplýsignaskiltin á girðingunni og smella af nokkrum myndum. Yfirbragð hótelsins virðist vekja mikla lukku þar sem lágreyst og falleg byggingin umlukin af smábátahöfninn heillar þá ferðalanga sem út í hana spyrja.
Mikil aukning varð á ferðamönnum á Siglufirði á líðandi sumri en samkvæmt forsvarsmönnum Rauðku ehf. er mikið stökk á milli ára, allt að 40% að jafnaði yfir árið. Aukning er í framboði á afþreyingu yfir sumartíman og mun það enn aukast á næsta ári. Veturinn er sérstaklega góður með tilliti til aukinna umsvifa. Mikill uppgangur er í vetrarferðamennsku á Tröllaskaga með tilkomu fjalla- og þyrluskíðamennsku ásamt norðurljósaferða og því miklir möguleikar á komandi árum bæði sumar og vetur.
Mikil stillansavirki eru utan á hótelinu þessa dagana enda unnið í þaki og klæðningu (mynd tekin 29.júlí).
Séð út um glugga á efri hæð hótelsins.
Járnabindimottur lagðar niður á gang efri hæðar.
Tenging á salerniskassa.
Ljósmyndir Steingrímur Kristinsson www.sk21.is og Jón Hrólfur Baldursson
Athugasemdir