Strompleikur á Sigló

Strompleikur á Sigló Sennilega er óhætt að fullyrða að á Siglufirði hafi risið, staðið og fallið fleiri verksmiðjustrompar en á nokkrum öðrum stað á

Fréttir

Strompleikur á Sigló

Stromur við SRV á Siglufirði, niðurrif
Stromur við SRV á Siglufirði, niðurrif
Sennilega er óhætt að fullyrða að á Siglufirði hafi risið, staðið og fallið fleiri verksmiðjustrompar en á nokkrum öðrum stað á íslandi.
Hér voru á árunum 1960 að minnsta kosti 15 slíkir sem spúðu bæði svörtum, og gufumettuðum hvítum reyk.
Þegar síldarverksmiðjan Rauðka  og Grána vék fyrir Þormóði ramma og fleiru árið 1974, fækkaði strompunum um 5, þar af voru tveir stórir ketilstrompar.

Árið 1961 bættust við tveir nýir strompar á Mjölhús SR þar sem framleidd var ný tegund afurðar síldarinnar, þar sem hráefnið var soðkjarni, afurð sem unninn var úr blóðvatni eða grút sem hér áður fyrr var dælt beint í sjóinn, unnið var sérstaklega próteinríkt mjöl úr soðkjarnanum. 

Árið 1975 var hafist handa við niðurrif SRP og þar með fuku 3 strompar, þar á meðal ketilstrompurinn sem var um 32 metrar á hæð.

Um svipað leiti féll annar álíka sem stóð við SR30 verksmiðjuna.

Árið 1979-1980 var stærsti strompurinn sem enn stendur endurnýjaður mikið. Þá voru nokkrir strompar á SR46 endurnýjaðir. Svo urðu straumhvörf árið 1998 þegar SR-MJÖL hf endurbyggði SR46 verksmiðjuna, þá voru þrír strompar rifnir og aðrir þrír reistir í staðin.

Og nú, sem var tilefni þessarar upprifjunar er verið að vinna við að rífa einn af þeim síðarnefndu, þe. ketilstrompinn. Strompurinn er samansettur úr fjórum einingum (boltuðum saman), sem innan í eru þrír „strompar“. 

Kranamaðurinn Benedikt Leósson sem oft hefur komið við sögu „strompleikja“ á Siglufirði síðustu árin var nú enn kominn á vettvang með tryllitæki sitt, kranann.

Hann hífaði þá félaga Steingrím Garðarsson Síldarvinnslunni, Þorleif Halldórsson og Sverri Elefsen SR-Vélverkstæði, upp til að losa um samskeytin. Það gekk eins og vonir stóðu til, en erfiðara var að skilja efsta hlutann frá samskeytunum þar sem límið sem einnig var notað til að þétta samskeytin, hélt það vel að átak sem samsvaraði margfalt þunga hlutarins dugði ekki, og varð að nota meitla til að fleyga þá í sundur, og efsti hlutinn þar á eftir hífaður niður.

Smá myndasyrpu í tengslum við „strompleiki“ hjá SR, (SR-MJÖL & SVN)Smá myndasyrpu frá "strompleikjum" á Sigló, má sjá HÉRNA



Athugasemdir

29.mars 2024

Sk Sigló ehf.

580 Siglufjörður
Netfang: sksiglo(hjá)sksiglo.is
Fylgið okkur á Facebook eða Twitter

Póstlisti

Skráðu netfangið þitt á póstlistan okkur.

Ábendingar

Ertu með ábendingu fyrir síðuna eða góða frétt? Sendu okkur þá póst og við könnum málið.

Sendu póst