Saga fortíðar á fjórum hjólum
Á dögunum fór undirrituð í ferðalag frá Siglufirði og alla leið í Skagafjörð til að skoða hvað í boði væri þar fyrir ferðalanga. Rann þá upp fyrir mér að alloft er leitað langt yfir skammt þegar farið er í ferðalög.
Eftir notalega næturgistingu í Hofsós var farið á stað í ljósmyndaleiðangur og síðan var förinni heitið í hið margrómaða Samgönguminjasafn í Stóragerði, Skagafirði.
Rak mig í rogastans við að sjá allar þær gersemar sem Gunnar Þórðarson fornbílaáhugamaður hefur gert upp og má þar upp telja hinar ýmsu gerðir af farartækjum víðsvegar af landinu.
Safnið er staðsett á bænum Stóragerði í Óslandshlíð og hefur að geyma ýmsar tegundir bíla og tækja sem rekja uppruna sinn allt aftur fyrir miðbik síðustu aldar.
Stórskemmtilegt safn fyrir alla aldurshópa og hér eftir á ég svo sannarlega eftir að benda fólki á að hægja ferðina og staldra við í Stóragerði.
Siglfirðingar eiga margar minningar um þessa rútu sem þjónaði okkur vel og lengi
Glæsilegur cadillac
Árni Magnússon átti þessa flottu bjöllu
Ekki amalegt húddskrautið á þessari eðaldrossíu
Meira að segja ljósin eru fínpússuð
Oldsmobile árgerð 1958
Slökkviliðsbíll frá liðinni öld sem lokið hefur þjónustu sinni
Uppgerðar dráttavélar í röðum
Gamli mjólkurbíllin hefur þjónað sínum tilgangi
Myndir: Kristín Sigurjónsdóttir
Texti: Kristín Sigurjónsdóttir
Athugasemdir