Nikulásarmótið hefst í dag.

 

9:00 Skrúðganga frá Grunnskólanum að íþróttasvæði. Setning Nikulásarmóts  2013

Kl: 09:30             Keppni hefst 

Kl: 11:30 - 14:00  Hádegisverður í Tjarnarborg - Fiskréttur 

Kl: 12:30             Vítakeppni í öllum flokkum 

Kl: 14:00-16:00 Knattrakskeppni
Kl: 16:00             Bikarkeppni Nikulásarmótsins

Kl: 19:30-20:30   Útiskemmtun  

KL 21:00        Þjálfara-og farastjórafundur í Vallarhúsi 

KL 21:30 Foreldrakaffi í Vallarhúsinu

 

Sunnudagur

Kl: 07:00-09:30   Morgunmatur í Tjarnarborg

Kl: 09:00   Keppni hefst 

Kl: 15:00 Verðlaunaafhending og mótsslit þar sem allir keppendur fá verðlaunapening og 3 efstu liðin í hverjum flokki fá verðlaunagrip.

Arion banki  mun gefa öllum keppendum gjöf.                                                  Keppendum er boðið upp á ávexti í Vallarhúsinu á meðan á mótinu stendur.                      Úrslit leikja verða skráð inn á heimasíðu félagsins á klukkutíma fresti, kfbolti.is

 

 

 

 

 

 

 

 

Fyrirkomulag leikja – reglur 

Leiktími:................er 2 x 12 mínútur og leiktími er aldrei stöðvaður.

Upphafsspyrna: Skal tekin á miðju og er heimilt að spyrna í hvaða átt sem er. Ekki er heimilt að skora mark beint úr upphafsspyrnu.

Hornspyrna: Er tekin þar sem hliðarlína og marklína skerast. 

Markmaður: Má taka með höndum eftir sendingu frá samherja.

Markspyrna: Leika má knettinum til markvarðar án þess að knötturinn hafi farið út fyrir vítateig.

7.-8. flokkur: Engar vítaspyrnur dæmdar, aukaspyrna í staðinn á vítateigslinu.

Markamunur: Skráður markamunur í mótinu verður aldrei meiri en 3 mörk, 3-0,4-1,5-2 o.s.frv.!

Röðun liða: Stigafjöldi, innbyrðisleikur, markamismunur, fengin á sig mörk, skoruð mörk, hlutkesti.

Gestalið: Leikir gestaliða eru skráðir 0 – 3, hvernig sem lokatölur eru. Gestalið fellur sjálfkrafa úr bikarkeppninni í fyrsta leik.

 

 

 

 

 

 

Leikjaplan laugardagsins 

Leikjaplan sunnudagsins 

 

 

Bikarkeppni – Vító og knattrak 

Seinni partinn á laugardag verður bikarkeppni í öllum flokkum.

Hver leikurer 8 mínútur í  7.-8. flokki en 10 mínútur í 6.flokki. Fari svo að leikir endi með jafntefli eftir venjulegan leiktíma skulu þjálfara fara til dómarans og taka þátt í hlutkesti um það hvort liðið heldur áfram. Undanúrslit og úrslitaleikir bikarkeppninnar verða fyrir verðlaunaafhendingu á sunnudag. Lið úrslitaleiks fá verðlaun. Liðin sem taka þátt í úrslitaleikjunum eru beðin um að mæta við Vallarhúsið 5 mínútum fyrir úrslitaleikina. Mótsstjórn hefur nú þegar degið í keppnina, sjá leikjaplan í mótsblaði. Athugið að leikið er þétt á meðan bikarkeppnin fer fram og eru þjálfarar beðnir um að skoða skipulagið vel.

 

 

Vítakeppni verður haldin í hádeginu á laugardag. Þegar fimm vítaskyttur eru eftir í hverjum flokki, þá er ekki spyrnt meir, úrslitakeppni fer fram á sunnudeginum á undan verðlaunaafhendingu. Sigurvegarar hljóta verðlaun á verðlaunaafhendingunni. 

 

Milli klukkan 14:00-16:00 á laugardeginum er keppendum boðið að taka þátt í knattraki. Tekinn er tími hjá öllum í eitt skipti og skráð niður.Á sunnudeginum keppa þeir þrír sem hafa náð bestum tímum í hverjum flokki. Verðlaun eru veitt sigurvegurum í hverjum flokki.

 

 

 

 

Knattspyrnufélag Fjallabyggðar vill þakka öllum þeim fjölmörgu sjálfsboðaliðum sem gefa vinnu sína við framkvæmd Nikulásarmóts  árið 2013. Án þeirrar aðstoðar væri ómögulegt fyrir félagið að standa fyrir móti sem þessu. Það er ómæld vinna sem liggur að baki viðburði eins og Nikulásarmóti og því erum við þakklát fyrir allar þær stundir sem félagsmenn hafa innt af hendi.

Við viljum að sama skapi koma á framfæri þökkum til allra styrktaraðila félagsins stórum sem smáum. Ykkar framlag til KF er ómetanlegt og gerir félaginu kleift að halda úti öflugu og góðu starfi allt árið um kring.

Að lokum ber að þakka öllum þeim liðum sem sóttu mótið, keppendum, þjálfurum, farastjórum, foreldrum og öðrum gestum fyrir komuna. Er það einlæg ósk okkar að við sjáumst hress og kát á Nikulásarmóti árið 2014.

 

Með fótboltakveðju,

Mótshaldarar.