Hótel Sunna Siglufirði

Fréttir

Hótel Sunna Siglufirði

Mynd GSH

Í dag voru menn frá Siglingastofnun að rannsaka botninn þar sem Hótel Sunna á að rísa.

Nú lítur út fyrir að Hótel Sunna geti orðið að veruleika, öll nauðsynleg leyfi til að framkvæmdir geti hafist hafa verið veitt, að sögn heimildarmanns siglo.is

Starfsmenn frá Siglingastofnun eru um þessar mundir að gera mælingar á styrkleika sjávarbotns þar sem byggja þarf uppfyllingu fram í sjóinn, til að Hótel Sunna geti risið. Þegar niðurstöður þeirra rannsókna liggja fyrir geta sérfræðingar farið á fullt í að hanna undirstöður og annað sem tilheyrir byggingunni.

Meðfylgjandi eru nokkrar myndir sem ég tók af því tilefni í dag.