Lífsgleði njóttu
Lífsgleði njóttu á svo sannarlega við þegar hópur eldhressa kvenna kemur saman í Sundhöll Siglufjarðar tvisvar í viku. Mæta þær þar kl 10.00 á mánudögum og miðvikudögum, sögðu þær að það kæmu af og til tveir herramenn með þeim en hópurinn er allt af því um 28 manns.
Helga Hermannsdóttir þjálfar hópinn af einstakri ljúfmennsku undir hressri harmonikku tónlist. Gerðar eru fjölbreyttar æfingar sem styrkja og liðka líkamann með allskonar hjálpartækjum eins og boltum og flotlengjum.
Líkamsrækt í vatni er mjög góður valkostur fyrir nánast alla, því álag á helstu liði og liðamót er mun minna og mýkra en við æfingar á þurru landi. Við æfingar í vatni fáum við góða alhliða þjálfun í þoli, styrk og liðleika fyrir liðamót með því að vinna með mótstöðu vatnsins.
Greinilegt er að hópurinn nær vel saman of fóru þær flestar saman eftir sundæfingarnar út í heita pottinn í spjall og munaði þeim ekki um að sína sunddrottninga takta þar fyrir ljósmyndarann.
Upphitun
Mikið fjör í pottinum og eru þær eins og alvöru fimleika sunddrottningar
Styrktaræfingar
Margar hendur á lofti
Listakonan Brynja Árnadóttir að hita upp fyrir
æfingarnar
Það er hægt að leika sér á öllum aldri
Notið þess að vera í vatninu
Helga Hermannsdóttir að þjálfa hópinn
Texti: Kristín Sigurjónsdóttir
Myndir: Kristín Sigurjónsdóttir
Athugasemdir