Mikilvægt að sækja sem fyrst í viðlagatryggingu
Sérfræðingar Sjóvá benda fólki á að hafa samband við Viðlagatryggingar Íslands þegar tjón verða líkt og þau sem eiga sér stað á Siglufirði í dag. Mikilvægt er að tilkynna það eins fljótt og auðið er og er það gert í gegnum heimasíðu Viðlagatryggingar Íslands.
Sjóvá starfar mikið á Siglufirði og sér um tryggingar fyrir mörg af stærri fyrirtækjum staðarinns. Voru þeir í samskiptum við Sigló.is í dag til að fræða fólk um hvernig best er að sækja tryggingar í tjónum sem þessum. Líklegt má telja að aðilar verði á svæðinu fljótlega frá einhverjum tryggingum til að leggja mat á hverskyns tjón sem vatnsaginn olli og er því mikilvægt að tilkynna öll tjón sem fyrst.
Heimasíðu Viðlagatryggingar Íslands og frekari upplýsingar um tjónstilkynningar má nálgast hér.
Athugasemdir