Reitir verða haldnir 2.-14. júlí 2014

Innsent efni.

 

Reitir verða haldnir 2.-14. júlí 2014 og viljum við bjóða Siglfirðingum tækifæri til að taka þátt í uppbyggingu verkefnisins. Nú leitum við til bæjarfélagsins í fjáröflunarskyni og viljum biðja þig að íhuga að vera vinur Reita.

Ef þú styrkir okkur um 2.500 kr.- ferðu á lista yfir vini Reita á heimasíðu verkefnisins og hefur auðveldað okkur að byggja upp traustan grunn fyrir áframhaldandi starf næstu ár.

Alþýðuhúsið hýsir verkefnið sem er stjórnað af Arnari Ómarssyni og Ara Marteinssyni. Verkefnið er ekki framkvæmt í hagnaðarskyni og öll vinnan sjálfboðavinna. Meðal fyrri styrktaraðila er Menningarráð Eyþings, Evrópa Unga Fólksins, Fiskbúð Siglufjarðar, Aðalbakaríið, Siglufjarðar Apótek, Rauði krossinn, Siglunes Guesthouse, Fjallabyggð, Rauðka, Billinn, Ferðafélag Siglufjarðar og Síldarminjasafnið. Nýir styrktaraðilar eru Raffó, Sigló sport og Allinn. Við þökkum þessum aðilum fyrir að hafa gert okkur kleift að gera Reiti að veruleika og taka þannig virkan þátt í menningaruppbyggingu á Siglufirði.

Verkefnið var tilnefnt til Eyrarósarinnar 2014, sem er viðurkenning fyrir framúrskarandi menningarverkefni á starfssvæði Byggðastofnunar. Fyrir frekari upplýsingar um verkefnið skoðið www.reitir.com.

 

Styrkur greiðist inná eftirfarandi reikning í Sparisjóðnum:

kt. 2408863919

reikn. 1102-26-000886