Stormar
Hljómsveitin Stormar var án efa ein af vinsælustu unglingahljómsveit á Norðurlandi, um þær mundir er myndin var tekin árið 1966. Þarna eru Hallvarður Óskarsson – trommur, Theódór Júlíusson – söngur, Gestur Guðnason – gítar, Ómar Hauksson – bassi og Árni Jörgensen – gítar. Síðar komu við sögunnar Rafn Erlendsson – trommur, Jósep Blöndal – piano, og Friðbjörn Björnsson – gítar.
Sagt er að hljómsveitrir hætti aldrei, heldur hvíli sig bara mislengi. Á það líklega betur við um þessa hljómsveit ef eitthvað er en flestar aðrar, því fyrir nokkrum árum hrukku Stormar aftur í gírinn og hafa verið að síðan með mislöngum hléum. Núna síðast spiluðu þeir á Ketilási þ. 26. júlí 2011 fyrir fullu húsi þar sem aldurstakmarkið var sagt vera 45 ár nema í fylgd með fullorðnum.
Nú stefna Stormar á svið Rauðku á Síldarævintýrinu á Siglufirði, fimmtudaginn 3. ágúst 2017.
Athugasemdir