Jólaandinn ríkjandi á Sigló Hótel
Sigló Hótel hefur fengið mikla og jákvæða umfjöllun á frétta og samfélagsmiðlum frá því síðustu helgi en síðastliðinn sunnudag urðu um 50 manns innligsa á Siglufirði vegna snjóflóða og veðurs eftir jólahlaðborð á hótelinu og Rauðku. Hedinsfjordur.is, Pressan.is og Hringbraut.is ásamt Íslandi í Bítið á Bylgjunni hafa öll fjallað um ævintýri og umfjallanir helgarinnar.
Uppspretta fréttaumfjallananna kemur frá facebookfærslu Svanhildi Daníelsdóttur sem varð veðurteppt á Siglufirði síðastliðna helgi. Þar segir hún frá ánægjulegri upplifun sinni og annarra gesta sem fengu að njóta viðveru á Sigló Hótel endurgjaldslaust vegna þess að þau urðu veðurteppt, að auki fengu þau ánægjulega upplifun í Bakaríinu og til að toppa þetta allt þá hafi verið búið að skafa af bílunum þeirr þegar þau lögðu í hann morguninn eftir.
Að sögn Sigríðar Maríu Róbertsdóttur, hótelstýru Sigló Hótels, hafa hótelið og starfsmenn þess fengið mörg skilaboð í vikunni frá ánægðum viðskiptavinum síðastliðinnar helgar. "Það er afar ánægjulegt að finna þakklætið frá viðskiptavinunum, það er notaleg tilfinning sem við kunnum mikils að meta".
Athugasemdir