Skemmtilegt útsýni frá Sunnu
Það verður ekki amalegt útsýnið úr herbergjum Hótel Sunnu en á vef Rauðku er tekið forskot á sælunna þar sem textinn textahöfundur setur sig í fótspor komandi gesta. Ímyndaði hann sér hvernig væri að vakna eftir síðdegisblund og stíga út að glugga nokkurra vel valinna herbergja í Sunnu.
„Ég vaknaði eftir síðdegislúrinn og teygði rétt úr mér í rúminu þegar ferskt sjávarloftið í þessum yndislega smábæ tók á móti mér. Ég hafði skilið gluggann eftir opinn og sjómennirnir voru að bardúsa utan við gluggann þegar mér var litið út eftir að hafa fengið kaffið mitt sent uppá herbergi. Ég sat þar drykklanga stund að njóta útsýnisins áður en ég ákvað að rölta til þeirra og sjá hver afli dagsins hefði verið. Það er gott að njóta sumrafrísins á Sigló“.
„Það vekur gamlar minningar að líta hér út af svölunum og hafa Hólshyrnuna í augsýn, í dag ætla ég að ganga á hyrnuna og endur upplifa uppáhaldssjónarhorn mitt yfir bæinn. Kannski ég setjist síðan í arinstofuna og fái mér kaffi og koníak þegar ég kem til baka, eða hendi mér í heitapottinn til að slaka létt á“.
„Það hafði færst ró yfir síldarminjasafnið þegar ég leit út eftir viðburðarríkan dag. Þarna stóð ég á bryggjunni í dag og fylgdist með síldarstúlkunum salta áður en ég fékk snafs og ekki var slæmt að enda heimsóknina á að dansa við þær. Ég sat síðan við smábótahöfnina og naut veðurblíðunnar meðan krakkarnir dönsuðu um bátana og léku sér í minigolf og strandblaki. Ég gat slappað af með ölkrús á meðan. Sigló er yndislegur staður til að njóta góðra stunda“.
Athugasemdir