Fréttablaðið fjallar um ferðaþjónustu á Siglufirði
Siglufjörður er framúrskarandi áfangastaður ferðamanna jafnt sumar sem vetur. Himneskar skíðabrekkur fyrir alla aldurshópa eru í siglfirsku Ölpunum, á Síldarminjasafninu má skyggnast aftur í tímann og á veitingahúsum bæjarins má fá sér gott í gogginn. Svo hefst glæsileg umfjöllun um Siglufjörð í sérblaði Fréttablaðsins í morgun.
Í Ferðablaði Fréttablaðsins sem kom út í morgun er fjallað um "Ferðamennsku í blóma á Sigló". Er þar rætt við forsvarsmenn Rauðku, Skíðasvæðisins og gistiheimilisins Siglunes. Í umfjölluninni kemur meðal annars fram að hótel Sunna muni opna á vordögum 2015, nýr skíðaskáli verði byggður árið 2015 og að sérstök áhersla sé lögð á hráefni úr heimabyggð í morgunverðarhlaðborði Sigluness.
Um sautjánþúsund manns heimsækja nú skíðasvæðið í Skarðsdal á ári en svæðið hefur alla burði til að taka við mikið meiri fjölda en það. Í raun geta liftukostir svæðisins áorkað þessum fjölda á níu klukkustundum en afkastageta þeirra er tvöþúsund manns á klukkustund.
Siglufjörður er sérlega góður staður til að heimsækja á veturnar, nóg úrval er af afþreyingu, gistingu og matsölustöðu og um að gera að skella sér hingað í vetrarfríunum.
Athugasemdir