Kompan , Alþýðuhúsinu á Siglufirði laugardaginn 2. jan. 2016

Laugardaginn 2. jan 2016 kl. 17.00 opnar sýning í Kompunni, Alþýðuhúsinu á Siglufirði sem ber yfirskriftina Náttúruupplifun. Sýningin samanstendur af verkum í eigu Aðalheiðar.

Í gegnum tíðina hefur Aðalheiður safnað listaverkum,  og á nú orðið töluvert safn verka frá listamönnum víða að.  Hefur hún því ákveðið í samráði við listamennina að setja upp sýningu einu sinni á ári úr þessu einkasafni.

Þeir listamenn sem eiga verk á þessari fyrstu sýningu eru Steingrímur Eyfjörð, Jónborg Sigurðardóttir, Joris Rademaker, Arna Guðný Valsdóttir, Kristján Steingrímur Jónsson, Fredie Beckmans og Hekla Björt Helgadóttir.

Boðið verður uppá léttar veitingar og eru allir velkomnir.

Fjallabyggð, Fiskbúð Siglufjarðar, Uppbyggingarsjóður og Egilssíld styðja við menningarstarf í Alþýðuhúsinu.