Fjallatoppar

Ég notaði seinni part dagsins í vélsleðaferð með Gesti Hanssyni. Gestur var á leið inn í Fljót þar sem hann þurfti að setja inn punkta í GPS tækið sem hann notar svo fyrir nýtt fyrirtæki sem þau hjónin Gestur og Hulda hafa stofnað.

 

Fyrirtækið heitir Topmounteneering og er ferðaþjónustufyrirtæki sem sérhæfir sig í gönguferðum með leiðsögn umhverfis Siglufjörð. 

Hér getið þið séð heimasíðu TopMountaineering.is

 

En við semsagt fórum yfir Siglufjarðarskarð inn í Fljót og Fljótin skoðuð frá sjónarhorni sem maður hefur aldrei séð. Þaðan var haldið upp á Almenningshnakka, Blekkil, Blekkilsbarn og fleiri og fleiri staði og að sjálfsögðu voru myndir teknar. Svo voru innstu hólar, hæðir og hryggir í Siglufirði þræddir og Gestur þreyttist ekki á því að stoppa og segja mér frá örnefnum á því svæði sem við fórum um. Það er óhætt að segja það að Gestur veit upp á hár hvað hann er að gera þegar kemur að fjallamennsku. 

 

Þegar við fórum úr Fljótunum komum við niður innst í Hólsdalnum og þaðan fórum við beint yfir í Skútudal. 

 

Alveg hreint magnaður sleðadagur og gaman að fá leiðsögn frá Gesti. Topp maður hjá Topmountaineering.

 

Hér eru svo myndir af því sem fyrir augum bar þarna á toppunum. Ég tek það fram að ég er ekki alveg hundrað prósent viss á öllum örnefnunum þannig að hugsanlega eru einhverjar staðreyndarvillur í þessu. En þið líklega leiðréttið mig ef þið þekkið betur til.

Þessi mynd er tekin af Almenningshnakka ef mér skjátlast ekki. 

 

Efri Ámárhyrna hér næst okkur.

 

Þessa ferðamenn hittum við Gestur í Fljótum þegar þeir voru að fara að ganga í átt til Siglufjarðar.

 

Frá vinstri. Gestur á spjalli við forsprakka hópsins en hópurinn var að koma á Tröllaskaga frá Þýskalandi.

 

Þessi mynd er tekin innst inn í Hólsdal. Líklega fyrir neðan Draugaklett.

 

Sauðadalur í Fljótum.