Nýjustu þáttakendur í gæðakerfi Vakanns
Á fésbókarsíðu Vakanns kemur fram að veitingastaðirnir Hannes Boy og Kafi Rauðka séu nýjustu þáttakendurnir í gæðakerfi Vakanns en markmið kerfisinns er að auka gæði og öryggi í ferðaþjónustu á Íslandi ásamt því að auka samfélagslega ábyrgð ferðaþjónustufyrirtækja. Það er Ferðamálastofa sem leiðir vinnuna við Vakann og heldur utan um kerfið.
"Veitingastaðirnir Hannes Boy og Kaffi Rauðka á Siglufirði eru nýjustu þátttakendurnir í Vakanum. Staðirnir tilheyra Rauðku ehf. í eigu
Róberts Guðfinsssonar, sem byggt hefur upp þjónustu tengda ferðafólki á Siglufirði síðan árið 2007.
Hannes Boy, sem nefndur er eftir sjóaranum Hannesi, er hlýlegur veitingastaður með útsýni yfir smábátahöfnina og fjöllin. Staðurinn
opnaði árið 2010 en Kaffi Rauðka opnaði ári síðar. Á sumrin myndast skemmtilegt andrúmsloft við Kaffi Rauðku og Hannes Boy þegar
fjöldi manns kemur þar saman til að njóta lífsins. Norðurhluti Kaffi Rauðku er einnig notaður sem tónleikasalur og þar eru reglulega haldnir
viðburðir.
Á síðustu árum hefur verið mikil aukning á þeim fjölda ferðamanna sem koma til Siglufjarðar og leggur starfsfólk Rauðku metnað
sinn í að gera ferðafólki kleyft að njóta náttúru fjarðarins og bæjarlífsins. Rauðka hefur einsett sér að vera
leiðandi þjónustufyrirtæki á svæðinu, stuðla að framþróun samfélagsins, efla þjónustustig og hlúa að
umhverfi, atvinnulífi og afþreyingarmöguleikum á svæðinu.
Sigló Hótel er nafn á nýju hóteli í eigu Rauðku en það mun opna í næsta mánuði .
Á myndinni eru frá vinstri Ólöf Ýrr Atladóttir ferðamálastjóri, María Petra Björnsdóttir, Finnur Yngvi Kristinsson og Sigríður María Róbertsdóttir (Sigló Hótel/Rauðku) ásamt Áslaug Briem verkefnisstjóra í Vakanum.
Athugasemdir