"Stöngin inn" hittir beint í mark
Leiksýningin stöngin inn hefur fengið frábærar viðtökur frá því sýningar hófust en í kvöld verður fjórða sýning verksins í Tjarnarborg.
Það er Ólafsfirðingurinn Guðmundur Ólafsson sem semur og leikstýrir verkinu sem er bráðskemmtilegt. Fjallar verkið um karlmenn í litlu bæjarfélagi sem eru settir í kynlífsbann af konum sínum vegna hreinlega of mikils knattspyrnuáhuga. Byggist leikritið upp á Abba lögum sem heimfærð hafa verið á verkið í íslenskum búning en alls taka 14 leikarar þátt í verkinu og fjögurra manna hljómsveit. Er þetta í fyrsta sinn sem leikfélögin í Fjallabyggð taka höndum saman frá sameiningu byggðarlaganna og vísir að góðu samstarfi.
Fleiri sýningar eru á döfinni en næstkomandi laugardag 23.mars verður fimmta sýning, sú sjötta verður síðan á Skírdag en allar sýningar hefjast klukkan 20:00
Miðapantanir eru hjá Helenu í síma 845-3216 og 466-2416.
Komið og eigið skemmtilega kvöldstund með okkur í L.Ó. og L.S. og styrkjum í leiðinni hið blómlega menningarlíf í Fjallabyggð.
Myndasmiður er Guðný Ágústsdóttir.
Athugasemdir