Sćvar Birgisson gönguskíđagarpur fánaberi Íslands
Gönguskíðagarpurinn Sævar Birgisson hefur unnið mikil afrek á gönguskíðum. Þrátt fyrir ungan aldur hefur hann þrettán sinnum orðið Íslandsmeistari í skíðagöngu í fullorðinsflokki og hefur nú verið valinn fánaberi Íslands á Vetrarólimpíuleikunum þann sjöunda febrúar.
Á síðu ÍSÍ kemur fram að tuttugu ár séu "liðin síðan Ísland átti síðast keppanda í skíðagöngu á Vetrarólympíuleikum en í Lillehammer 1994 kepptu þeir Daníel Jakobsson og Rögnvaldur Ingþórsson. Enn lengra er síðan fánaberi íslenska hópsins var skíðagöngumaður en það var Einar Ólafsson sem keppti á leikunum 1988 í Calgary".
Sævar Birgisson er alinn upp á Sauðárkrók en keppir fyrir hönd Fjallabyggðar þar sem hann hefur verið valinn íþróttamaður ársins þrjú ár í röð 2011-2013 fyrir framúrskarandi árangur í grein sinni. Íbúar Fjallabyggðar sem og Íslendingar allir geta verið stolltir af sínum manni og verður gaman að fylgjast með göngu þessa knáa drengs á Vetrarólimpíuleikunum.
Sigló.is sendir honum bestu kveðjur.
Athugasemdir