Íslandsmeistarar í 5.deild
Í vetur spilaði blakklúbburinn Súlur undir merkjum U.M.F.Glóa í 5.deildinni á Íslandsmótinu í blaki. Nokkur ár eru síðan Súlumeyjar tóku síðast þátt á Íslandsmótinu en þá voru þær í 2.deild.
7 lið tóku þátt í 5.deildinni og voru spilaðar þrjár túneringar þar sem allir spiluðu við alla í hverri túneringu. Liðið endaði lang efst í deildinni með 48 stig í 18 leikjum, þar sem liðið vann 33 hrinur en tapaði einungis 5.
Liðið mun þar af leiðandi spila í 4.deildinni að ári. Hjá stúlkunum hefur það komið til tals að senda jafnvel tvö lið til leiks á Íslandsmótinu næsta vetur og það er aldrei að vita hvað drengirnir í Hyrnunni gera.
Í vetur hefur fjöldi blakara aukist gríðarlega og eru um 100 einstaklingar að stunda blak, þar af um 30 Súlurmeyjar, 20 Hyrnumenn, 17 Skriðustúlkur og 35 í krakkablaki (1.-9.bekk). Allir þessir einstaklingar eru skráðir iðkendur í blaki hjá U.M.F.Glóa.
Athugasemdir