Öldungarmót 2012 í blaki verður haldið á Tröllaskaga

Blakklúbbarnir á Tröllaskaga hafa verið valdir til að halda 37. Öldungamótið í blaki dagana 28.-30.apríl 2012. Mikil gróska er í blakinu á Tröllaskagasvæðinu og til marks um það þá voru 8 lið frá félögunum skráð á Öldungamótið í Eyjum.

Það að fá mótið á svæðið verður án efa mikil lyftistöng fyrir klúbbana en með tilkomu Héðinsfjarðarganganna er þetta mögulegt enda verður keppt á Siglufirði, Dalvík og Ólafsfirði. Blakíþróttin á djúpar og sterkar rætur á Tröllaskaga og hefur verið ómissandi hluti af íþróttalífinu á Siglufirði í um 40 ár og á Dalvík í um 25 ár. Blakklúbburinn Hyrnan á Siglufirði er meðal annars 40 ára á þessu ári. Öldungur mótsins er Óskar Þórðarson.