Pæjumótið verður á Siglufirði!
Eftir frétt Siglo.is "Er Hólsvöllur ónýtur eða ónýttur ?" af ástandi Hólssvæðisins bárust öflug viðbrögð bæjarbúa við þeirri frétt. Eins og sést í kommentakerfinu vegna fréttarinnar var sá orðrómur í gangi að flytja ætti mótið frá Siglufirði þar sem Hólssvæðið væri í mikilli vanhirðu. Í framhaldi þessarar fréttar fór málefni svæðisins inn á bæjarstjórnarfund og voru ábyrgðarmenn krafðir um svör vegna vanhirðu og ástand svæðisins. Við höfðum samband við Óskar Þórðarson framkvæmdarstjóra KF og mótsstjóra Pæjumótsins sem gaf okkur góðfúslega greinargóð svör við spurningum Siglo.is.
Hvernig gengur undirbúningur mótsins?
Undirbúningurinn gengur vel og hefur staðið síðan í haust. Eftir að ljóst var að TM sem stutt hefur við mótið með miklum sóma
síðustu ár yrði ekki með þetta árið var farið á fullt við leit að nýjum styrktaraðila og gekk sú vinna mjög vel.
Samstarfið með nýjum styrktaraðilum, Sparisjóðnum og Rauðku hefur verið afar gott. Mótið hefur verið vel kynnt meðal aðildarfélaga
Knattspyrnusambandsins og undirbúningurinn er samkvæmt áætlun.
Að eru örlitlar breytingar á mótinu í ár. Undanfarin ár hefur 5.flokkur verið frekar fámennur og eftir að samkomulag náðist við Tindastóll þá spilaði 5.flokkur á mótinu hjá þeim nú fyrr í sumar en á næsta ári verður 5.flokkur á Pæjumótinu hjá okkur. Þetta þýðir að í ár verður mótið fyrir 6. og 7.flokk ásamt því að 8.flokkur er boðinn velkomin á mótið. Í dag sýnist okkur að liðin verði rúmlega 70 talsins og eru við gríðarlega sátt við það. Það þýðir að keppendafjöldinn verður um 500 talsins en nákvæmar tölur munu liggja fyrir á næstu dögum.
Unnið á fullu á vallarsvæðinu í dag
(föstudag 18/7)
Pæjumótið hefur verið haldið á Siglufirði síðan 1991, þegar að nokkrir galvaskir einstaklingar settu mótið á laggirnar. Mótið hefur síðan þá verið stór liður í knattspyrnusumri flestra stúlkna á landinu og mætti nánast fullyrða að flestar knattspyrnustúlkur landsins hafi komið á eitt eða fleiri Pæjumót á Siglufirði í gegnum tíðina. Það er ekkert að breytast og mun mótið áfram fara fram á Siglufirði.
Þetta er einn af þeim liðum sem við erum að byrja að vinna í. Sjálfboðaliðar eru gríðarlega mikilvægir á viðburði sem þessum og iðkendur, foreldrar iðkenda og velunnaðrir félagsins munu allir leggjast á eitt við að gera mótið eins glæsilegt og kostur er.
Ástandið á Hólsvelli leit frekar illa út fyrir rúmri viku síðan. Það eru fjölmargar ástæður fyrir því sem ég ætla ekki að ræða hérna. Hins vegar er nú búið að slá allt svæðið, nú er verið að bíða eftir áburði og á næstu vikum verður unnið markvisst að því að koma svæðinu í eins gott ástand og kostur er fyrir Pæjumótið.
Frá því að aðstæður sköpuðust þá hefur verið unnið í svæðinu, þannig að við teljum að svæðið verði okkur öllum til sóma þegar að Pæjumótið fer fram.
Búið að "heyja" á
norðursvæðinu.......
Við ætlum að halda áfram að hafa mótið öflugt fyrir 6. og 7.flokk. Á næsta ári verður svo 5.flokkur hjá okkur og við
ætlum að gera smá átak til að það verði eins öflugt og kostur er. Það sem er kannski mest spennandi er 8.flokkurinn en það hafa
alltaf verið örfá 8.flokkslið á mótinu en oftast heimalið. Hins vegar buðu við þeim velkomna á mótið í ár og
það hafa komið fyrirspurnir um að gera átak í að fá þann flokk sterkari inn á mótið. Þannig myndi mótið eflast
ennfrekar.
Okkur hlakkar mikið til að taka á móti keppendum og fylgdarliði þeirra á Pæjumót Sparisjóðsins og Rauðku nú í
ágúst og vonandi verða veðurguðirnir okkur hliðhollir.
Virðingarfyllst, Óskar Þórðarson
Framkvæmdarstjóri KF
Siglo.is þakkar Óskari fyrir greinargóð svör og óskum KF velfarnaðar
með Pæjumótið.
Nánara um Pæjumótið: Pæjumót 2014
Texti: NB, KS og Óskar Þórðarson
Myndir: NB
Athugasemdir