Siglómótið í blaki 2011 og Hyrnan 40 ára

Blakfélögin Hyrnan og Súlur halda nú um helgina eitt fjölmennasta blakmót sem haldið hefur verið hér í Fjallabyggð að undanskildu Öldungamóti. Blak á sér langa hefð hér á Siglufirði en um þessar mundir fagna þeir Hyrnumenn 40 ára afmæli klúbbsins og eru sumir af stofnefndum enn að og munu taka þátt í mótinu um helgina. Félagsskapur blakara er einstakur og samheldni hópanna sem ferðast saman á fjölmörg mót ár hvert er mikil. Blakvertíðin endar svo á Öldungamóti sem haldin eru á hinum ýmsu stöðum.

Blakarar vinna nú að því hörðum höndum að koma upp strandblakvelli hér í Siglufirði og án efa verður það lyftistöng fyrir íþróttina. Alls taka 32 lið þátt í mótinu um helgina og má þar nefna Snörtur, Völsung , Skellur, Rimar, KA, Fylkir, Laugdæli og fl. Mótið er allsérstakt fyrir þær sakir að verðlaunaafhendingin fer fram í hinu glæsilega Bátahúsi Síldarminjasafnsins og oft hefur heyrst hrós frá keppendum um umgjörð mótsins. Lokahóf mótsins fer síðan fram á Allanum með borðhaldi, söng og dansi.

Deildarskipting, lið og spilaform má sjá HÉR 

Mundý í baráttu á mótinu í fyrra.


Blakarar á leið á Öldungamót á Ísafirði.


Frá verðlaunaafhendingu í Bátahúsinu í fyrra.


Dývur koma sterkar til leiks í ár.


Hér er hann Guðfaðirinn sjálfur Bjarni the Painter.


Gítarband Hyrnumanna þekkja allir og sumir verða bara að fá að syngja með.