Glæsileg frammistaða í Hæfileikakeppninni
það voru algjörir snillingar sem stigu á stokk þegar hæfileikakeppni Fjallabyggðar 1-6. bekkinga var haldin í gær. Atriðin voru 22 og voru söngatriðin í meirihluta en einnig mátti sjá píanóleik, fiðluleik, fimleikaspor og einhverjir sögðu brandara.
Þótt keppt hafi verið um efstu tvö sætin í bæði einstaklings og svo hópatriðum þá voru allir sigurvegarar kvöldsinns og skein gleðin á andlitum allra eftir vel heppnað kvöld, en dómnefndin valdi sex atriði og veitti þeim sérstaka viðurkenningu fyrir sína frammistöðu.
Í flokki einstaklinga fengu þær Sæunn Axelsdóttir 6.bekk með laginu "Mamma þarf að djamma", Ronja Helgadóttir 4.bekk fyrir fluttning sinn á "Heyr mína bæn", Herði Inga fyrir glæsilegan píanóleik og svo Líney Láru 4.bekk sem sýndi fimleikaatriði.
Í flokki hópatriða fengu viðurkenningu dómnefndar Sigrún, Víkingur og Sunna fyrir fluttning sinn á "Nú kemur vorið" og Sylvía, Sandra, Kolbrún og Sigríður fyrir "Dansaðu vindur, dansaðu".
Það er ljóst að miklir hæfileikar leynast hér í Fjallabyggð og gaman verður að fylgjast með þessum snillingum í framtíðinni.
Síldarstelpurnar í stuði
Verðlaunaafhending
Athugasemdir