HÚ­insfj÷r­ur

HÚ­insfj÷r­ur HÚ­insfj÷r­ur er tŠplega 6 km langur ey­ifj÷r­ur nyrst ß Tr÷llaskaga sem lengi var einangra­ur. Me­ tilkomu HÚ­insfjar­arganga tengir

FrÚttir

HÚ­insfj÷r­ur

HÚ­insfj÷r­ur. Mynd tekin af www.bradtguides.com
HÚ­insfj÷r­ur. Mynd tekin af www.bradtguides.com

Héðinsfjörður er tæplega 6 km langur eyðifjörður nyrst á Tröllaskaga sem lengi var einangraður. Með tilkomu Héðinsfjarðarganga tengir fjörðurinn nú Ólafsfjörð og Siglufjörð með tvískiptum jarðgöngum. Héðinsfjarðargöng eru stærsta verkefni sem Vegagerðin hefur boðið út, þau eru 3,9 km og 7,1 km að lengd. Vegalengdin milli Siglufjarðar og Ólafsfjarðar er í heild um 15 km.
Fyrir botni fjarðarins er ágætt veiðivatn, Héðinsfjarðarvatn. Inn af fjarðarbotninum er 5-6 km langur dalur. Stórt silungsvatn prýðir dalinn, 3 metra yfir sjávarmáli. Mikið dýralíf er við vatnið og síðla sumars gengur vatnableikja og mikil sjóbleikja í það. Tilvalið er að ganga um fjörðinn og njóta fegurðarinnar sem þar blasir við.

Byggð lagðist af í firðinum árið 1951, þar er jafnan snjóþungt og oft urðu þar mannskaðar vegna snjóflóða.

Mannskæðasta flugslys á Íslandi varð í Héðinsfirði þann 29. maí árið 1947 þegar flugvél Flugfélags Íslands flaug á utanvert Hestfjall. Fórust allir 25 sem í vélinni voru, 21 farþegi og fjögurra manna áhöfn.


Athugasemdir

16.aprÝl 2021

Sk Siglˇ ehf.

580 Siglufj÷r­ur
Netfang: sksiglo(hjß)sksiglo.is
Fylgi­ okkur ßáFacebookáe­aáTwitter

Pˇstlisti

Skráðu netfangið þitt á póstlistan okkur.

┴bendingar

Ertu með ábendingu fyrir síðuna eða góða frétt? Sendu okkur þá póst og við könnum málið.

Sendu póst