Hún er SÓFA HOPPARI frá Frakklandi
Hún stóð ísköld og skjálfandi við veginn rétt utan við Dalvík með bakpokann sinn og var að húkka sér far til Ólafsfjarðar þegar við tókum hana upp í bílinn.
Hæ, hver ert þú og á hvaða ferðalagi ert þú ?
"Ég heiti Célia Dumont-Malet og er frá Frakklandi og ég er í svona HOPPA á milli SÓFA ferðalagi um allt Ísland."
Ha, hvað meinarðu ?
"Já sko, maður skráir sig bara á heimasíðu sem heitir: Couch Surfing og setur upp eigin prófíl og svo getur maður spurt fólk sem er að gera það sama út um allan heim hvort maður geti fengið að gista ókeypis á sófanum þeirra í eina eða tvær nætur. Svona eignast maður vini frá öllum heimsins löndum"
En sniðugt og er þetta ekkert mál að finna gott fólk til að gista hjá hér á Íslandi ?
"Nei, ég er búinn að ferðast um allt landið í 40 daga og allir hafa verið alveg rosalega góðir og hjálpsamir og mér finnst það svo flott hvað Íslendingar eru heiðarlegir og standa alltaf við það sem þeir lofa. Svo er ég líka að gera smá skólaverkefni í leiðinni sem fjallar um afstöðu landsmanna til menningar og lista og mér finnst eins og ALLIR á Íslandi séu listamenn, skáld eða tónlistafólk, alveg ótrúlegt og skemmtilegt. Ég er sjálf að læra leiklist í París"
Hvert á svo að fara eftir Ólafsfjörð ?
"Ja mig langar að koma til Sigló, en ég hef ekki fundið lausan sófa þar"
Heyrðu, ekkert mál, komdu bara, við erum með lausan sófa í kjallaranum.
"Ó, já takk, þá kem ég bara á fimmtudaginn."
Við skildum við Célia í góðum höndum hjá Bjarkey í kaffi Klöru, hún ætlaði að fá lánað netið þar til að athuga með hvort sófinn hennar væri klár fyrir gistingu.
Célia við kaffi Klöru á Ólafsfirði
Myndir og texti:
Jón Ólafur Björgvinsson
Fréttasími: 842 0089
Athugasemdir