Jónsmessuhátíð Síldarminjasafnsins
Laugardaginn 23. júní var haldin árleg Jónsmessuhátíð Síldarminjasafnsins. Að þessu sinni var hátíðin tileinkuð 100 ára sögu fiskimjöls- og lýsisiðnaðar í landinu.
Málþing var haldið í Gránu með úrvals fyrirlesurum, þeim Guðna Th. Jóhannessyni sagnfræðingi, Guðmundi Óskarssyni fiskifræðingi frá Hafró og Jóni Reyni Magnússyni fyrrverandi forstjóra SR. Anita Elefsen sagnfræðingur og rekstrarstjóri safnsins annaðist fundarstjórn og Örlygur Kristfinnsson safnstjóri flutti ávarp. Í framhaldi var opnuð sýning um þessa sögu á Gránuloftinu.Sýningin samanstóð af textum og myndefni á fjórtán skiltum þar sem að hinum
margvíslegu þáttum sem snerta veiðar, vinnslu, líffræði og fleira eru gerð skil.
Sýningin er hugsuð sem farandsýning sem mun á næstu misserum ferðast milli
allra staða á landinu þar sem þessi iðnaður hefur komið við sögu. Hringferð
sýningarinnar um landið gæti tekið allt að tvö til þrjú ár. Margir
áhugamenn um sögu bræðsluiðnaðar í landinu voru mættir á málþingið.
Um kvöldið skemmti stórsveitin Hundur í óskilum gestum í Bátahúsinu.
Tónleikagestir sem voru um 90 skemmtu sér vel. Tónleikarnir minntu meira á
sirkus eða uppistand en venjulega tónleika. Haugur af hljóðfærum, eldúsáhöldum
og ýmis konar verkfærum og hjálpartækjum komu við sögu. Sveitin er skipuð þeim
Hjörleifi Hjartarsyni og Eiríki Stephensen.
Guðni Th. Jóhannesson sagnfræðingur
Guðmundur Óskarsson fiskifræðingur hjá Hafró
Jón Reynir Magnússon, fyrrverandi forstjóri SR
Ragnheiður Jóna Ingimarsdóttir, Menningarái Eyþings
Örlygur Kristfinnsson safnstjóri
Sýningarloftið í Gránu
Jón Reynir með börnum sínum, tengdasyni og barnabörnum
Hundur í óskilum, Eiríkur Stephensen spilar hér á tvo trometta og Hjörleifur Hjartarson á gítar
Texti: Aðsendur
Myndir: GJS
Athugasemdir