Námskeið um tónlistabyltinguna á Siglufirði
Námskeiðið er í dag og á morgun 2.-3. júlí frá kl. 14.00-17.00. Kostar aðeins 5000 kr. á námskeiðið og 4000 kr. fyrir eldri borgara og öryrkja.
Staður: Grunnskólinn við Norðurgötu og kennari er Árni Björnsson þjóðháttafræðingur
Námskeiðið um tónlistabyltinguna á Siglufirði og Sigursveinn D. Kristinsson sem stofnaði á Siglufirði fyrsta tónskóla á Íslandi sem ekki var öðru fremur ætlaður börnum betri borgara heldur öllum almenningi. Hann lét kaupa fjölda hljóðfæra frá Þýskalandi svo öll börn á Siglufirði sem vildu leika á hljóðfæri fengju ósk sína uppfyllta. Hann stofnaði Sjálfsbjörgu á Siglufirði sem síðan breyttist í öflug landssamtök fatlaðra.
Á námskeiðinu verða einnig rakin afskipti Sigursveins af verkalýðsmálum í heimabæ hans Ólafsfirði, hvernig hann þrátt fyrir alvarlega fötlun stundaði tónlistarnám í Reykjavík og Berlín og stofnaði bæði söngsveit og lúðrasveit verkalýðs í Reykjavík.
Eftir komu Sigursveins til Siglufjarðar varð staðurinn annar mesti tónlistarbær landsins með kórum og hljómsveitum ásamt öflugum tónlistarskóla. Eftir dvölina nyrðra stofnaði Sigursveinn tónskóla í Reykjavík sem varð einn fjölmennasti tónlistarskóli landsins.
Athugasemdir