Þátttakendur REITA kynnast Siglufirði

Aðalheiður fræðir þátttakendur um Siglufjörð

REITIR fara vel af stað og eflaust hafa Siglfirðingar tekið eftir hópum þátttakenda á ferð um bæinn. 

Fyrstu dagana notuðu þátttakendur til þess að kynnast Siglufirði. Þeir fengu leiðsögn um bæinn og fengu að heyra ýmsar sögur af því hvernig er að alast upp á Siglufirði. Á Síldarminjasafninu fengu þeir að heyra betur sögu bæjarins.

Þátttakendur voru afar þakklátir eftir að 9 siglfirskar fjölskyldur buðu þeim í kvöldmat á heimilum sínum. Skipuleggjendur verkefnisins telja þetta mikilvægan hluta að því að mynda tengsl milli bæjarins og þátttakenda.

Þá hafa þátttakendur gengið sjálfir um bæinn og uppgvötvað hann á eigin veg, eins og myndbandið hér að neðan sýnir.