Vanir menn og Þuríður Sigurðardóttir

Vanir menn og Þuríður Sigurðardóttir Þuríður Sigurðardóttir og hin alsiglfirska hljómsveit “Vanir menn” héldu tónleika í Salnum í Kópavogi

Fréttir

Vanir menn og Þuríður Sigurðardóttir

Hljómsveitin og söngvarar.
Hljómsveitin og söngvarar.

Þuríður Sigurðardóttir og hin alsiglfirska hljómsveit “Vanir menn” héldu tónleika í Salnum í Kópavogi miðvikudagskvöld 15. júní. Uppselt var á þá og langur biðlisti eftir miðum að sögn forstöðumanns hússins.


Upphaflega var hugmyndin sú að halda aðeins eina tónleika í Bátahúsinu á Siglufirði s.l. páska og blanda þar saman uppáhaldslögunum hennar Þuríðar og nokkrum velþekktum siglfirskum slögurum. Uppselt var í Bátahúsið og í kjölfarið bárust nokkrar fyrirspurnir frá ýmsum aðilum víða um land. Tónleikarnir voru þá endurteknir með nokkuð breyttu sniði á Græna Hattinum Akureyri og nú í Salnum eins og fyrr segir.

Jóhann Vilhjálmsson sonur stórsöngvarans Vilhjálms Vilhjálmssonar, var sérstakur gestur kvöldsins, en þau Vilhjálmur og Þuríður sungu mikið saman á Röðli velmektarárum þess vilsæla staðar. Jóhann söng lagið “Minningar” ásamt Þuríði, en síðan "Lítill drengur" sem faðir hans söng til hans fyrir hartnær fjórum áratugum.

 

Viðtökurnar sem hann fékk voru hreint út sagt frábærar, hver einasti maður í salnum reis úr sæti sínu, það var klappað og stappað bæði vel og lengi og þó nokkur tími leið þar hægt var að byrja á næsta lagi. Poppfræðingurinn Jónatan Garðarsson hafði um hann þau orð að þarna væri á ferðinni vel falinn og óslípaður demantur.

 

Eins og við er að búast hefur verið ákveðið að endurtaka tónleikana í Salnum og verða þeir næstu þ. 29. sept. nk. Frekari upplýsingar er að finna á salurinn.is



 


Jóhann Vilhjálmsson.
 


Þuríður Sigurðardóttir.
 

 

Magnús Guðbrandsson, Birgir Ingimarsson og Léó Ólafsson.


Texti og myndir: Aðsent.

 

 

 

 


Athugasemdir

29.mars 2024

Sk Sigló ehf.

580 Siglufjörður
Netfang: sksiglo(hjá)sksiglo.is
Fylgið okkur á Facebook eða Twitter

Póstlisti

Skráðu netfangið þitt á póstlistan okkur.

Ábendingar

Ertu með ábendingu fyrir síðuna eða góða frétt? Sendu okkur þá póst og við könnum málið.

Sendu póst