Victor Ocares með sýningu í Kompunni, Alþýðuhúsinu á Siglufirði.

Innsent efni.

Laugardaginn 11. jan. kl. 15.00 opnar Victor Ocares sýningu í Kompunni, Alþýðuhúsinu á Siglufirði.
Kompan er gallerý í miðju Alþýðuhúsinu og er öllum opin þegar  skilti er úti aðallega milli 14.00 og 17.00 á daginn.
Aðalheiður er nú að hefja þriðja starfsárið í Alþýðuhúsinu og vill þakka Siglfirðingum og öðrum gestum fyrir þátttökuna í þeim viðburðum sem hún hefur staðið fyrir.
Árið 2014 verður hlaðið áhugaverðum viðburðum og tilvalið að gera sér dagamun og líta inn.
Victor verður á staðnum og tekur á móti fólki, allir velkomnir.
Léttar veitingar í boði .

Blöð/Rec

Victor  útskrifaðist úr myndlistardeild Listaháskóla Íslands vorið 2013. Listsköpun hans er lituð af  dulhyggju og snetir á flötum heimspeki, vísinda og annarra greina. Hugmyndir eru soðnar saman úr ýmsum áttum til að koma af stað aflvaka í hugum áhorfenda. Í verkum sínum notast hann við margvísleg efni og miðla, og gæti afraksturinn allt eins skilað sér í tónverki, í formi skúlptúra eða málverka....
Á sýningunni „Rec“ einbeitir hann sér að teikningum og skúlptúrum, skoðar meðal annars tengslin milli sköpunar og varðveislu. Varðveislu hughrifa og streymi hugsana í tíma. Teikningar af augnblikum og spor eftir samræður úr lífi listamannsins. Er hægt að taka mynd þar sem efnis- og hugarheimar mætast ? Þar sem hugar mætast ?