"Auðvitað verður tekið upp á Siglufirði"
Þorvaldur Davíð Kristjánsson leikari var í viðtali í Síðdegisútvarpi Rásar 2 ásamt Ragnari Jónassyni rithöfundi, en eins og sagt var frá í vikunni hefur framleiðslufyrirtækið Sagafilm gengið til liðs við Þorvald Davíð um gerð sjónvarpsþátta sem byggðir verða á glæpasögum Ragnars um lögreglumanninn Ara Þór.
Þorvaldur Davíð og Sagafilm hafa tryggt sér réttinn á Snjóblindu, Myrknætti og nýjusu bókinni Rofi, sem gerist að hluta til í Héðinsfirði.
“Auðvitað verður tekið upp á Siglufirði,” sagði Þorvaldur Davíð í þættinum, aðspurður hvort upptökur færu fram fyrir norðan, á söguslóðunum. “Það eru náttúrulega lýsingarnar hjá Ragnari í bókunum um þann fallega stað sem heilla. Að sjálfsögðu verður farið norður.” Hann sagði að hugsanlega verði hægt að hefja tökur í janúar eða febrúar 2014.
Hér má hlýða á viðtalið í heild
mynd: ruv.is, texti: aðsendur
Athugasemdir