1,9% atvinnuleysi í Fjallabyggð

Vinnumálastofnun hefur gefið út skýrslu um stöðu á vinnumarkaði í lok árs 2013 og má þar sjá að landsbyggðarmeðaltal atvinnuleysis var 3,8%. Stöndum við því vel að vígi í Fjallabyggð með 1,9% atvinnuleysi en á fundi markaðs- og menningarnefndar þann 3. febrúar voru lagðar fram upplýsingar um atvinnuleysistölur í Fjallabyggð á árinu 2013. Kom þar fram að atvinnuleysi í Fjallabyggð sé lítið, eða einungis 1,9%. 

 

Í lok árs voru 39 á atvinnuleysisskrá, 24 karlar og 15 konur. Það gerir 1,94% af íbúafjölda.  Fæstir voru atvinnulausir í júní eða 23. Í lok árs 2012 voru 44 á atvinnuleysisskrá, þar af 25 karlar og 19 konur eða 2.16% af íbúafjölda í desember 2012.

 

	Lok árs 2012	Lok árs 2013
Karlar	25	24
Konur	19	15
Samtals	44	39
Íbúafjöldi	2.035	2.012
Hlutfall	2.16%	1,94%

 

Á vef Vinnumálastofnunnar má sjá að landsbyggðarmeðaltal atvinnuleysis var 3,8%. 

 

Miklar framkvæmdir eru nú hafnar í Fjallabyggð og má því ætla að atvinnuleysi muni dragast enn frekar saman. Á sama tíma gerir Vinnumálastofnun ráð fyrir að landsmeðaltalið aukist og verði á bilinu 4,3-4,7%. Á norðausturlandi var landsmeðaltal atvinnulausra það þriðja mesta eða 4,1% í desember. Einungis höfuðbrogarsvæðið (4,5%) og suðurnesin (6,9%) stóðu ver að vígi. Sjá nánar hér í skýrslu Vinnumálastofnunnar.