2 á móti einum!

3 piltar á bezta aldri höfðu samband við mig og báðu mig að koma því á framfæri að þeir ætli að vera með útvarpsþátt á fm.trölli.is (sem er á 103.7 MHz). 

 Aðspurðir voru þeir frekar leiðinlegir við mig og sögðu að ég mætti ekki segja eitt aukatekið orð um það hverjir það væru sem að fara í loftið næstkomandi laugardagsmorgun frá kl. 10-12. 

Ég mátti heldur ekki segja frá því á hvaða plani þessi þáttur verður og hvernig hann verður settur upp. Ég mátti heldur alls ekki taka það fram að hugsanlega gæti þetta verið einn þáttur eða hvort áframhald yrði á þessu næstu laugardaga. 

 Hvernig í ósköpunum á maður að koma svona upplýsingum á framfæri?

Samtalið var nokkurn veginn svona. "Heyrðu, ertu til í að skrifa eitthvað á siglo.is um útvarpsþáttinn sem verður á fm.trolli.is næsta laugardag frá 10-12??" Það vantaði bara að þeir segðu "plís.is"!!".  Ég svaraði játandi og " hvað geti þið sagt mér um þáttinn?"  þeir svara " hann á að heita " Tveir á móti einum". Ok,  svaraði ég "og hvað meira geti þið sagt mér?" "Ekkert" svara þeir og svo bara dróst nákvæmlega ekkert meira upp úr þeim! Akkúrat EKKERT.  Ég bað þá um að fara ekki alveg strax að láta prenta á boli fyrir sig, láta allavega 1-2 þætti fara í loftið til að sjá hvort þetta gengi upp. En ég held hins vegar að þeir séu búnir að láta prenta á boli þannig að.... uuuu já vonum það bezta.

 Frábært!! Ég á semsagt að fjalla aðeins um þáttinn á siglo.is sem verður á fm.trolli.is næsta laugardag og ég fæ ekkert að vita um þáttinn. Nema nafnið, sem þeim fannst alveg nóg að ég fengi að vita. Þetta eru nú meiri mannvitsbrekkurnar. 

 Ég vona að þetta verði skemmtilegur þáttur og ég hvet alla til að hlusta og gagnrýna þessa pilta alveg í botn. Þeir þurfa að fá að vita hvað má betur fara og hvað er í lagi þó svo að ég búist nú við því að það verði lítið af einhverri sérstaklega góðri gagnrýni á þá. En vonum það bezta þó við hlustum á það vezta.