Áætlunarflugi um Sauðarkrók haldið áfram

http://eagleair.is/

Samgönguráðherra og flugfélagið Ernir gerðu á dögunum samkomulag um áframhaldandi áætlunarflug til Sauðárkróks og er því komið í veg fyrir boðaðan niðurskurð þar sem flug til Sauðárkrók legðist niður.

Sveitastjórn Sveitarfélagsins Skagafjarðar fagnar þessu samkomulagi og segir í tilkynningu frá þeim að „flug um Sauðárkrók gegnir þýðingarmiklu hlutverki fyrir skagfirskt samfélag og atvinnulíf og nú gefst tækifæri til að treysta grunn þess enn frekar“.

Íbúar Fjallabyggðar hafa því áfram í tvö hús að venda þegar þeir ætla að koma sér milli staða með flugi og heldur það uppi einhverri samkeppni um flugsamgöngur á svæðinu. Eru þetta því gleðitíðindi, ekki bara fyrir Skagfirðinga heldur Íslendinga alla.