Ágætis gangur í rækjuvinnslu Rammans

Rækjuveiðar úti fyrir Norðurlandi hafa gengið vel það sem af er ári og er nú ágætisgangur í rækjuvinnslu Rammans.


 

 

 

Á heimasíðu rammans kemur fram að rækjuvinnslan á Siglufirði hafi tekið hátt í 1700 tonn af rækju til vinnslu frá áramótum.

Múlaberg SI 22, Siglunes SI 70 og Sigurborg SH 12 afla nú hráefnis fyrir rækjuverksmiðjuna en þar starfa nú um 15 manns.

Nýlega fékk verksmiðjan svokallaða BRC (British Retail Consortium) gæðavottun þannig að hún er nú samþykkt sem framleiðandi fyrir flesta af kröfuhörðustu kaupendum á Bretlandsmarkaði.