Allinn málaður

Allinn fær nú góða andlitslyftingu og er byrjað að mála húsið.



Allinn sem staðsettur er í sögufrægu húsi í miðbæ Siglufjarðar var farinn að láta á sjá. Fyrr í sumar var farið í steypuviðgerðir á húsinu og nú er komið að því að mála.

Þessi framkvæmd á eftir að setja mikinn svip á húsið og miðbæinn í heild sinni. Til stendur hjá fleiri aðilum í miðbænum að mála húsin sín þannig að heildarsvipur miðbæjarins verður allt annar og betri.

Þetta eru svo sannarlega góðar fréttir og spennandi verður að fylgjast með þróun mála í miðbænum.