Allt í standi hjá KKS

Karlakór Siglufjarðar

Þessa dagana er Karlakór Siglufjarðar að undirbúa hið árlega þorrablót sem haldið verður laugardaginn 2. febrúar í Íþróttahúsinu á Siglufirði.

Elías Þorvaldsson kórstjóri hefur útsett syrpu af lögum fyrir kórinn sérstaklega, í tilefni af þorrablótinu.  Kórinn var stofnaður 1. janúar árið 2000 og hefur starfað nánast samfleytt síðan.  Það er mikils virði fyrir samfélagið að hafa virkt menningarstarf á borð við kórstarf sem hressir andann og léttir lund.  Í kór eru allir  jafnir, úr hvaða stétt eða stöðu sem þeir koma.

Meðfylgjandi myndir voru teknar í vikunni, á fyrstu æfingu ársins.

Elías Þorvaldsson stjórnandi.

Allir með á nótunum !

Tenórar þurfa líka að læra raddir !

Nánar um KKS á vefsíðu kórsins.