Allt frá óperu til Idols

Gómar á æfingu með hljómsveit

Sönghópurinn Gómar ásamt hljómsveit halda tónleika í páskavikunni. Sönghópinn skipa  Björn Sveinsson, Björn Ingimarsson, Friðfinnur Hauksson, Mundína Bjarnadóttir og Þórarinn Hannesson. Í hljómsveitinni eru Dúi Ben á trommur, Gulli Helga á bassa , Magnús Ólafsson á gítar og hljómsveitarstjórinn er Sturlaugur Kristjánsson sem leikur á hljómborð.

Tónleikarnir verða: Fimmtudaginn 21. apríl (skírdag) í Tjarnarborg Ólafsfirði kl. 21, ath: fríar sætaferðir frá Siglufirði frá Torginu kl. 20:15 og til baka kl. 24:15 dansin dunar til kl. 24:00. Laugardag 23. apríl kl. 21 á Allanum Siglufirði þar sem dansað verður til kl. 03:00. Forsala aðgöngumiða verður í Allanum páskavikudagana. Verð í forsölu kr. 2.500. Verð við inngang kr. 3.000. Inngangseyrir á dansleik á Allanum kr. 1.500.

Sérstakir gestir kvöldsins verða: Lísa Hauks – Róbert Óttars – Sævar Sverris ofl. Sögumaður Sigmundur Sigmundsson. Dagskrá kvöldsins verða lög frá 80‘ Abba – Smokie – Dr. Hook – Janis Ian ofl., ásamt ótal Diskó – smellum sem eiga eftir að koma gestum í páskastuð. Þess má geta að félagarnir eru búnir að æfa í allan vetur.

Skemmtileg dagskrá í gangi og tilvalið að lyfta sér upp um páskana.