Annað alls ekki freistandi tilboð utan úr heimi.

Ég fékk ansi hreint alls ekki freistandi tilboð frá henni Nellý Mohammed á feisbúkk nýlega. Hún sá prófílmynd mína á feisbúkk og ákvað að senda mér línu. Ég held ég byrji á að efast um fullkomna sjón hennar Nellýar,(ég hef ekki nokkra trú á því að ég sé bara alveg hreint ómótstæðilegur á myndum). Svo efast ég stórlega um Íslenskukunnáttu hennar Nellýar vegna þess að hún skrifar þetta á ensku. Ég hef nokkrum sinnum velt því fyrir mér hvernig þetta gangi fyrir sig og er jafnvel að spá í að senda mjög keimlíkan mail á hana til baka og sjá hvert það leiðir. Hún er allavega að bjóða mér það að hún skottist hingað yfir hafið og búi jafnvel með mér, það er svo fjári margt sem hún þarf að segja mér(sem er nú ansi hreint spennandi) þó ég þekki stúlkuna akkúrat ekki neitt. Ég fékk ekki bankareikninginn hennar í þetta skiptið en ég vænti þess að hann komi fljótlega.

Hérna er það sem hún sendi og það væri fróðlegt að fá að vita hvað margir sem lesa siglo.is eru búnir að fá svona tilboð.

 Good day my dear

My name is Nelly. i saw your profile today on facebook and became interested in you, i will also like to know you more, and if you can send an email to my email address, i will give you my pictures. I believe we can move from here! Am waiting for your mail to my email address above because i have a lot to tell you, Lot's of love, Miss Nelly.

Hérna er mailið sem ég er að spá í að senda henni Nellý. Það væri fróðlegt að ath. hvernig henni(ja eða honum) gangi að google translatea þetta.

Takk kærlega fyrir hlý og falleg orð í minn garð Nellý mín. 

 Ég hef þónokkurn áhuga á því að hafa samband við þig. Ég tel það hins vegar mjög óvarlega farið að fara að panta flugmiða strax sökum þess hve krónan er veik. Ég mundi nú vilja fá að kynnast þér betur. Hvað er að frétta af ættingjum þínum, eru þeir ekki allir við góða heilsu? Afsakaðu hvað ég sendi þér seint svar til baka en sökum anna í fjármálakerfinu hef ég haft lítinn tíma. Annirnar í fjármálakerfinu eru ekki þær að okkar fyrirtæki vanti pening heldur hvernig við eigum að eyða öllum þessum aurum sem við eigum. Við vorum rétt í þessu að panta okkur skútu frá Noregi með svefnaðstöðu fyrir 25 manns og svo auðvitað aðra 30 í áhöfn. En núna verð ég að fara, þjónninn er að kalla í mat.

Kv.Ég