Auðar götur

 

Mér líður allavega eins og að það sé búið að rigna hérna í allan vetur með örstuttum hléum og er farinn að dauðlanga í snjó til þess að geta nú fengið að nota þennan blessaða vélsleða sem hún Ólöf lét mig kaupa.

 

Flestallar götur sem ég keyrði um í gær eru auðar en vanalega hefur verið hér allt á kafi í snjó á Sigló á þessum tíma eins og mig minnir að þetta hafi oftast verið en það er hugsanlega alveg kolvitlaust hjá mér. Ég er þannig séð nýkominn heim á Sigló aftur eftir 17 ára dvöl í suðri þar sem þessi leiðinda-rigningar-suddi er alvanalegur yfir vetrarmánuðina.

 

Ég get ekki sagt að myndirnar sem eru með þessari umfjöllun séu upplífgandi og skemmtilegar. Þær eru frekar svona kaldar, grámyglulegar og leiðinlegar flestar en svona var bara veðrið hérna.

 

En þetta horfir vonandi til betri vegar, það var ögn kaldara og bjartara yfir í gær og verður vonandi í dag aftur.

 

Þetta er með stærri snjósköflunum sem ég fann.

 

Upp Gránugötu.

 

Niður Þormóðsbrekku.

 

Frá Hólavegi.

 

Fossvegur.