Bæjarlistamaður Fjallabyggðar 2012

Menningarnefnd hefur valið bæjarlistamann Fjallabyggðar 2012. Fyrir valinu varð Guðrún Þórisdóttir (Garún) myndlistarkona í Ólafsfirði. Þrjár tilnefningar bárust nefndinni, Guðrún Þórisdóttir, hljómsveitin Roðlaust og beinlaust og Kirkjukór Ólafsfjarðar.

Guðrún útskrifaðist úr Myndlistaskóla Akureyrar árið 1994 í fagurlistadeild og hefur unnið óslitið að list sinni síðan. Hún hefur haldið margar einka- og samsýningar hérlendis og erlendis á undanförnum árum og var gestalistamaður í Gmund Austurríki árið 1996.

Guðrún vinnur að mestu með olíuliti á striga en notast líka við blandaða tækni. Hún rekur Gallerí vinnustofu við Aðalgötu 7 í Ólafsfirði og var með sýningu allt síðastliðið sumar á Hótel Brimnesi í Ólafsfirði.

Útnefning bæjarlistamanns fer fram föstudaginn 20. janúar kl. 17.00 og verður nánar auglýst í Tunnunni. 

Heimasíða: Fjallabyggðar