Bergþór vann myndasamkeppnina
Í desember stóð vefurinn siglo.is fyrir samkeppni um bestu jólamyndina frá Fjallabyggð. Nokkrar myndir bárust í keppnina og voru sex þeirra sýndar hér á vefnum og lesendum gefinn kostur á að velja bestu myndina. Dómnefnd og lesendur voru alveg sammála um að mynd Bergþórs Morthens væri í fyrsta sæti.
Bergþór fékk í gær afhent gjafabréf upp á þriggja rétta máltíð fyrir tvo á Hannes Boy á Siglufirði.
Bergþór sá tækifæri til að ná þessari mynd, og hafði örfáar mínútur til að taka myndina, því skömmu síðar var orðið aldimmt. Bergþór hefur ljósmyndun sem "hobby" með myndlistinni og finnst gaman að geta fangað eitt og eitt augnablik með myndavélinni, þegar það tekur oft langan tíma að vinna þá hefðbundnari myndlist sem hann aðhefst mest, "ljósmyndunin er skemmtilega öðruvísi" segir Bergþór.
Um leið og við óskum honum til hamingju viljum við þakka öllum sem tóku þátt að þessu sinni.
Verðlaunamyndin eftir Bergþór Morthens
Jólamynd eftir Halldór Þormar Halldórsson
Jólamynd eftir Svein Þorsteinsson
Jólamynd eftir Steingrím Kristinsson
Jólamynd eftir Steingrím Kristinsson
Athugasemdir