Bifreiða- og vélaverkstæðið Kambur ehf.

Eigandi Kambs,  Skarphéðinn F. Jónsson var bara hress í bragði, þegar við hittum hann fyrir í dag, enda var nóg að gera því Bifreiðaskoðun er með skoðun í dag, enda síðasti miðvikudagur mánaðarins.
Böðvar skoðunarmaður, sagði Siglfirðinga vera duglega að mæta með bílana sína á réttum tíma í skoðun.
En hann kemur fyrsta og síðasta miðvikudag hvers mánaðar.
Sagði hann að bæta þyrfti fljótlega við viðbótardegi, og þá yrði það jafnvel núna í mars, því aukning hefði orðið á bifreiðum til skoðunar á síðasta ári.
Hann sagðist líka eiga von á að Ólafsfirðingar myndu koma í auknu mæli með bílana sína, því samgöngurnar hefðu breyst eftir opnun Héðinsfjarðargangna.

Kambur ehf hefur nýlega tekið í notkun nýja og fullkomnari dekkjavél sem getur tekið allt uppí 44" jeppadekk.