Bílum úr TM. auglýsingunni skilað

Bílakallarnir þeir Gunni Júll. og Guðni Sveins. voru að undirbúa flutning á tveimur bílum, sem voru fengnir til að " leika " í TM - Tryggingamiðstöðvar auglýsingunni, sem tekinn var upp hérna í bænum um helgina.

Range Roverinn sem sóttur var inn í Eyjafjörð er árgerð 1982 og gamall Ford Escort líklegast árgerð 1988 var fenginn að láni í gegnum Fordbílaklúbb Akureyrar. Gaman verður svo að sjá hvernig gömlu bílarnir koma til með að standa sig í " hlutverkum " sínum í auglýsingunni,  þegar hún verður tilbúin til sýningar í sjónvarpi.