Útskrift í Menntaskólanum á Tröllaskaga

Fréttir

Útskrift í Menntaskólanum á Tröllaskaga

Ólafsfjarðarkirkja

Menntaskólinn á Tröllaskaga brautskráir tólf nemendur á morgun, laugardag. Átta brautskrást af félags- og hugvísindabraut, tveir af náttúruvísindabraut, einn af listabraut og einn af starfsbraut.

Áður hafa útskrifast fjórir nemendur frá skólanum þannig að eftir morgundaginn verða þeir sextán. Athöfnin fer fram í Ólafsfjarðarkirkju og hefst klukkan 11. Skólameistari og aðstoðarskólameistari taka til máls en ávarp nýstúdents flytur Harpa Hrönn Harðardóttir.

Við athöfnina verða afhent verðlaun sem veitt eru fyrir framúrskarandi árangur í námi. Á eftir verður opið hús í skólanum og léttar veitingar. Nemendur, forráðamenn þeirra og aðrir velunnarar skólans eru hjartanlega velkomnir.

Hin glæsilega vorsýning skólans stendur enn en hún verður tekin niður eftir brautskráningu á morgun. Áætlað er að liðlega þrjú hundruð manns hafi þegar komið á sýninguna. Vitað er um þrjá nemendur; Fróða Brinks, Hrönn Helgadóttur og Ingu Margréti Benediktsdóttur sem hafa selt verk á sýningunni en það kunna fleiri að hafa gert.