Dagur Tónlistarskólanna laugardaginn 26. febrúar

Tónlistarskólarnir hafa undanfarin ár helgað sér síðasta laugardaginn í febrúar  til að vera með uppákomur og minna á starfsemi sína.

Þetta árið verður Tónskóli Fjallabyggðar með uppákomu í veitingahúsinu Hannes Boy, frá kl. 14.00 - 16.00, þar sem nemendur og kennarar ætla að hittast og spila fyrir gesti og gangandi.

Á Hannes Boy verður hægt að kaupa vöfflur og heitt súkkulaði, sem á að renna ljúflega niður með góðri tónlist.