Dans- og söngleikurinn Stöndum saman
Tuttugu og tveir nemendur úr öllum árgöngum skólans, utan níunda bekkjar, taka þátt í uppsetningu dans- og söngleiksins „Stöndum saman“ segir Ólöf Kristín höfundur og sýningarstjóri en frumsýningin verður fimmtudaginn 28.nóvember næstkomandi.
Þema söngleiksins er skólinn okkar, Grunnskóli Fjallabyggðar, og segir þar frá skólalífinu og stefnum skólans. Flestir leikararnir koma úr fjórða bekk eða alls sjö nemendur. Eins og fyrr segir er það Ólöf Kristín sem er höfundur og sýningarstjóri en henni til stuðnings eru Guðmundur Ingi Jónatansson sem sér um leikarahópinn og leiktextagerð og María bjarney Leifsdóttir sem útsetur dansa og þjálfar dansara. Timothy Andrew Knappett útsetur lög ásamt því að vera tónlistar og hljómsveitastjóri en ásamt Ólöfu sér hann einnig um að þjálfa einsöngvara og kór. Hljómsveitin er síðan skipuð kennurum skólans, þeim Tim, Magga, Steina og Guito.
Dans- og söngleikurinn verður settur upp í Tjarnarborg og verður gaman að sjá afrakstur þessa stóra og skemmtilega hóps úr Tónskóla Fjallabyggðar.
Myndir fengnar af vef Tónskólans: tónskoli.fjallabyggd.is
Athugasemdir