Dansskólinn var með danskennslu í síðustu viku. Myndir og myndband

Danskennslan fór fram í Allanum og þær Harpa Pálsdóttir og Erla Rut Haraldsdóttir sáu til þess að allir lærðu rétt spor.

 

Aðeins einn drengur var í dansskólanum að þessu sinni og það er líklegt að hann verði aðal maðurinn á dansgólfinu í framtíðinni. 

 

Annars voru allir krakkarnir hörkuflottir og það voru reyndar foreldrar og gestir líka sem tóku þátt í dansinum í lok sýningar við lagið "Glaðasti hundur í heimi" sem var alveg hreint virkilega skemmtilegt að horfa á.

 

Ég veit til þess að tveir í lokaatriði sýningarinnar hafa greinilega þónokkurn grunn í dansi og þá annar þeirra þá sérstaklega Salsa dansi. Ég veit að þið takið eftir því að hann ber hreinlega af í sambandi við taktvissan limaburð og danshreyfingar og það er greinilegt að um þrautþjálfaðan dansara er að ræða. Maður veltir því hreinlega fyrir sér hvort dans sé kenndur í Stýrimanna og Vélstjórnarskólanum, því jú annar þessara hörkudansara er Stýrimaður og hinn Vélstjóri. En annars læt ég ykkur um að dæma danstaktana. Börnin stóðu sig allavega með stakri prýði.

 

Flottir dansarar sem Fjallabyggð á og meirháttar skemmtilegt að sjá krakkana dansa svona vel.

 

 

 

 

 

 

Hér er svo stutt myndband með broti af því sem fyrir augu bar í danssýningunni.