Dómaranámskeið í blaki

Fimmtudaginn 7.október fer fram dómaranámskeið í blaki á Siglufirði.

Það eru blakklúbbarnir á Siglufirði ásamt Blaksambandi Íslands sem standa að námskeiðinu.

Námskeiðið er bóklegt (farið yfir helstu reglur og leikskýrslugerð), verklegt og síðan er próf.

Þátttakendur eru ekki skyldugir til að taka prófið. Þetta er kjörið tækifæri fyrir blakáhugafólk að læra reglurnar og þannig kynnast leiknum enn betur.

Þátttökugjald á námskeiðinu er 3000 krónur. Áhugasamir geta haft samband við Óskar Þórðarson í síma 848-6726.